Адамның ұйқысы қанбаған күндері дел-сал болып, денесін ауыр нәрсе басып тұрғандай сезімде болады. Бірақ ұйқы қанбаса да, денені сергек етудің жолдары бар.
- Салқын сумен жуыну. Бұл тәсіл ұйқыны ашуға, қанайналымды жақсартуға көмек береді. Егер толық жуынуға мүмкіндік болмаса, шаштың түбін ылғал саусақтарыңмен уқалап, аяғыңды салқын суға салып, хош иісті сабынмен жу.
- Көп сұйықтық іш. Газсыз минералды су мен табиғи жеміс-жидек сусыны жақсы көмекке келмек. Жеміс-жидектен өз қолыңмен қанты аз компот жасап ішсең болады. Жаныңа суды алып алыңыз да, сабақ оқу барысында ішіп отыр. Күніне 2 литр ішуің керек.
- Таңғы ас. Ұйқың қанбай, орныңнан сүйретіліп тұрған соң, күні бойы сергек жүру үшін таңғы асты жақсылап ішіп ал. Сүт қосылған ботқа, жеміс-жидек же. Бірақ тойып жеме. Бұндай кездері таңғы асты тойып ішсең, қайтадан төсекке құлағың келіп тұрады.
- Таза ауада жаяу жүр. Таза ауада серуендеген бәрінен жақсы. Жаяу жүріп, таза ауаны терең жұт. Бірнеше рет жаттығу жасап жіберсең де, артық етпейді.